Vritet me armë zjarri 35-vjeçari shqiptar në Shkup

13:14 | 11 Shkurt 2025
H.E

Një 35 vjeçar shqiptar është vrarë dhe dy të tjerë janë plagosur në një përplasje me armë zjarri në Çair të Shkupit.

Sipas mediave, viktima është identifikuar si Hebib Bunjaku, djali i ish-zyrtarit të BDI, Ekrem Bunjaku. Përplasja ka ndodhur për shkak të një mosmarrëveshjeje në një parking.

“Më datë 11.02.2025 në ora 00.06 në SPB-Shkup, nga Spitali i Përgjithshëm i Qytetit ” Shën Naumi i Ohrit” është raportuar se me plagë nga arma e zjarrit janë sjellë H.B. (35) dhe A.D.(35), të dy nga Shkupi, dhe se H.B. më pas ka vdekur., ndërsa te A.D. është bërë një ndërhyrje dhe është mbajtur për mjekim. Për shkak të plagëve me armë zjarri në Kompleksin Klinikë “Nënë Tereza” është transferuar edhe N.D. nga Shkupi. Me urdhër të prokurorit publik, trupi i pajetë i të ndjerit është dorëzuar për obduksion”, thuhet në njoftimin e ministrisë së Brendshme e vendit./abcnews.al